Hanes y Ganolfan

Syniad gan yr Athro Gwyn Thomas, yn sgil penodi R.S. Thomas yn Athro er Anrhydedd yn yr Adran Gymraeg, Prifysgol Cymru, Bangor, ym 1998, a roddodd fod i'r Ganolfan Ymchwil hon. Datblygwyd y syniad ar y cyd gan Jason Walford Davies o'r Adran Gymraeg a Tony Brown o'r Adran Saesneg.

Cafwyd cefnogaeth ariannol er adnewyddu a dodrefnu ystafell addas yn y Brif Lyfrgell gan Bwyllgor Ymchwil y Brifysgol a chan Ganolfan Ymchwil y Dyniaethau. Gorffennwyd y gwaith ym 1999 ac agorwyd y Ganolfan yn swyddogol gan R.S. Thomas ei hun ym mis Ebrill 2000.